Polîsên Awistralyayê ragihandin ku kesekî li kolaneke qerebalix a bajarê Sydney gule reşandiye û di encama vê bûyerê de 20 kes birîndar bûne.
Endamê Polîsên New South Wales Stephen Parry eşkere kir ku di navbera 50 û 100 guleyan de, hatin avêtin.
Stephen Parry da zanîn ku polîsan zilamekî 60 salî ji ber gumanbariya vê bûyerê girtine.
Polîs ragihand ku 20 kes birîndar bûne û rewşa yek ji birîndaran xeter e.
Li Awistralyayê kuştinên girseyî û gulebaranên bêserûber kêm in, ji ber qanûnên çekan pir hişk in.