Berdevka Koşka Spî Karoline Leavitt bi daxuyaniyekê eşkere kir ku Şêwirmendê Taybet Cared Kuşner û Nûnerê Taybet ê ji bo Rojhilata Navîn Stîv Wîtkof serdaneke fermî birine paytextê Rûsyayê, Moskowê. Her du nûnerên Amerîkî bi Serokê Rûsyayê Vladimir Putin re rûniştine û civîna wan nêzî sê saetan berdewam kiriye.
Li gorî daxuyaniya Koşka Spî, di hevdîtinê de mijara sereke dîtina çareseriyeke siyasî û dawîanîna bi şerê Ukraynayê bûye. Leavitt destnîşan kir ku aliyan li ser "planên bingehîn û avaker" guftûgo kirine û hevdîtin gelekî berhemdar derbas bûye. Her wiha hate diyarkirin ku piştî vegera nûneran a ji bo Washingtonê, Serokê Amerîkayê Donald Trump rasterast li ser encamên vê civînê hatiye agahdarkirin.
Ji aliyê din ve, Berdevkê Kremlînê Dmitry Peskov jî ev hevdîtin piştrast kir û diyar kir ku di civînê de ne tenê mijara Ukraynayê, lê di heman demê de pêwendiyên aborî û pirsên giring ên navdewletî jî hatine nirxandin. Peskov got ku Rûsya ji bo diyalogê amade ye û ev pêngav ji bo kêmkirina rageşiya navbera her du welatan giring e.
