Şerê Afxanistan û Pakistanê kete hefteya xwe ya sêyemîn.
Wezareta Parastinê ya Talîbana Afxanistanê di daxuyaniyekê de, ragihand ku êrîş li nêzî parêzgehên Kunar û Nangarhar ên Afganistanê, hatine kirin.
Wezaretê diyar kir ku piştî êrîşa hewayî ya dawî ya Pakistanê wan jî êrîşek li ser sînor pêk anîne û 14 leşkerên Pakistanî kuştine.
Her wiha Rayedarên Talîbanê ragihandin ku di pevçûnan de 11 leşkerên Pakistanî birîndar bûne û di operasyonê de çeperek leşkerî ya Pakistanî hatiye girtin.
Rayedarên Pakistanî qebûl kirin ku êrîşên Talîbanê yên bi dronên bêmirov li nav axa Pakistanê pêk hatine, lê hejmara qurbaniyan a ku Talîbanê îdia kiriye pişt rast nekirin.
Serokê Pakistanê Asif Elî Zerdarî êrîşên bi dronên bêmirov şermezar kir û wan wekî binpêkirina serweriya Pakistanê bi nav kir.
Pevçûn piştî êrîşên asmanî yên Pakistanê yên serê sibeha Înê li ser hedefên li parêzgehên Kabûl, Qendahar, Paktîka û Paktiya yên Afganistanê pêk hatin.
Hikûmeta Talîbanê li Afganistanê roja Înê artêşa Pakistanê bi armancgirtina malên sivîlan tewambar kir û îdia kir ku şeş sivîl hatine kuştin û zêdetirî 24 kes birîndar bûne.
