Sûpaya Pasdarên Îranê 26`ê tebaxa 2026`an aşkere kir, piştî danûstandinên sê mehan, Îran û Oman gihîştine rêkeftineke dawî li ser diyarkirina para her du welatan ji dahatên Tengava Hurmizê.
Li gorî daxuyaniyê, ev peyman pergala çûn û hatina keştiyan diguherîne sîstemeke "birêvebirina hevbeş" û girtina baçan ji keştiyên bazirganî.
Berdevkê Supaya Pasdaran rewşa tengavê nirxand û wiha got: "Tengava Hurmizê niha bi temamî di bin kontrola me de ye û ti keştiyeke leşkerî ya dijmin di nav de tune ye.
Hemû keştiyên wan ên şer herî kêm kîlometreyekê ji tengavê dûr hatine girtin. Bêyî destûr û çavdêriya Îranê, ti keştî nikare di vê rêyê re derbas bibe."
Berdevkê Pasdaran Amerîka bi têkdana rêkeftina navbera Tehran û Mesqetê tohmetbar kir û got: "Amerîka dibe sedema derengketina cîbicîkirina peymanê. Heta ku Washington şertên me qebûl neke û dest ji têkdana rewşê bernede, di bin ti mercî de Tengava Hurmizê ji bo wan naye vekirin."
