Şerê di navbera Îsraîl-DYA û Îranî de bandorî li ser tekiliyên di navbera DYA û welatên Ewropî jî dike.
Serokwezîrê Îngiltereyê Keir Starmer ragihand ku ew ê li ber zexta Serokê DYA'yê Donald Trump ku dixwaze Îngiltereyê beşdarî şerê li dijî Îranê bike, serî netewînin.
Starmer di Parlamentoyê de axivî û diyar kir ku London wê beşdarî şer nebe.
Her wiha Starmer got ku; welatê wî dê helwesta xwe ya "serbixwe" biparêze û wiha got:
"Ez ê fikra xwe neguherim û ez ê paşve gav neavêjim."
Ev daxuyanî di demekê de tên ku rageşiya di navbera DYA û Îranê de zêde dibin.
Hat gotin ku Washington hewl dide ku hevalbendên xwe beşdarî stratejiyek dijwartir a li Rojhilata Navîn bike.
London ji beşdarbûna şerekî herêmî xwe dûr dixe
Lê hikûmeta Londonê ji beşdarbûna rasterast a şerekî herêmî xwe dûr digire û rêyeke dîplomatîk a bi baldarî dişopîne.
Ev helwest wekî hewldanek ji bo parastina têkiliyên kevneşopî yên bi DYA'yê re tê dîtin û hem jî nêzîkatiyeke li dijî destwerdana leşkerî tê dîtin.
Her çiqasî di vê qonaxê de ji hêla DYA'yê ve tu tedbîrên dijber ên berbiçav nehatine ragihandin jî.
Tê gotin ku dibe ev rageşiya di navbera her du welatan di serdema pêş de di têkiliyên siyasî û aborî de xwe nîşan bide.
