کایا کالاس، بەرپرسی سیاسەته‌كانی دەرەوەی یه‌كێتیی ئەوروپا ڕایگەیاند، داخستنی گەرووی هورمز لێکەوتەی زۆر خراپی بەدوای خۆیدا هێناوە و بووەتە هۆی بەرزبوونەوەی نرخی نەوت و ناسەقامگیریی ئابووری لە جیهاندا، بۆیه ده‌یانه‌وێت گەرەنتی پارێزراوی گەرووه‌كه بكه‌ن.
گوتیشی، ده‌یانه‌وێت تاوتوێی ناردنی کەشتیی جەنگی بۆ ڕۆژهەڵاتی ناوەڕاست بكه‌ن.
باسی له‌وه‌ش كردووه، هەموومان دەزانین گەرووەکە بنکەیەکی سەرەکیی دابینکردنی نەوت و وزەیە لە جیهاندا و خاوەن گرنگییەکی زۆرە بۆ وڵاتانی ئەوروپی.
كایا كالاس ئاماژه‌ی بۆ ئه‌وه‌ش كردووه، یەکێتی ئەوروپا تاوتوێی گواستنەوە و گۆڕینی ئەرکی هێزی دەریایی یەکێتییەکە بە ناوی هێزەکانی " ئاسپیدێس" بۆ گەرووی هورمز دەکات.