هیڤدا تانیێری، خوێندکاری دەرچووی ناوەندیی "ڤالی عادل یازار" لە پارێزگای موش، توانی لە تاقیکردنەوەی نیشتمانیی پەڕینەوە بۆ ئامادەیییەکان (LGS) لە تەواوی تورکیادا وەڵامی تەواوی پرسیارەکان بە دروستی بداتەوە و ٥٠٠ نمرەی تەواو بەدەستبهێنێت.
هیڤدا لەسەرەتای لیستەکەی بۆ دیاریکردنی قوتابخانەی ئامادەیی، ناوی ئامادەیی ناوداری "کاباتاش"-ی لە ئیستەنبوڵ تۆمار کردووە.
ناوبراو وێڕای دەربڕینی خۆشحاڵی خۆی، ڕایگەیاند کە ئامانجی گەورەی داهاتووی ئەوەیە لە دەرەوەی وڵات پەروەردە و ڕاهێنانی فڕۆکەوانی وەربگرێت و ببێتە فڕۆکەوان.
تانیێری ئاماژەی بەوەش کرد، هاوکاریی خێزانەکەی، هاندانی مامۆستاکانی و هاوکاریی هاوڕێکانی ڕۆڵی سەرەکییان هەبووە لە بەدەستهێنانی ئەم سەرکەوتنە گەورەیەدا.
هەروەها ئیبراهیم تانیێری، باوکی هیڤدا، دەستخۆشی لە مامۆستایان کرد بۆ فێرکردنی کچەکەی لەسەر شێوازی خوێندنەوەی ڕێکخراو و بەردەوام.
