ئاژانسی ڕۆیتەرز بڵاوی کردەوە کە بۆ یەکەمجار لە دوای ڕووخانی ڕژێمی بەشار ئەسەد، بەرپرسانی حکومەتی سوریا و حزبوڵای لوبنانی لە تورکیا کۆبوونەوەیەکی نهێنییان ئەنجام داوە.
بەگوێرەی سەرچاوەکانی ئاژانسەکە، کۆبوونەوەکە لە مانگی ڕابردوودا و بە چاودێریی گەورەبەرپرسێکی ئیدارەی ئەمریکا بەڕێوە چووە، کە تێیدا دوو بەرپرسی دەسەڵاتەکەی ئەحمەد شەڕع، سەرۆکی سوریا، لەگەڵ بەرپرسێکی باڵای ئەمنیی لوبنانیی نزیک لە حزبوڵا کۆ بوونەتەوە و چەند پرسێکی ئەمنی و سیاسییان تاوتوێ کردووە.
سرچاوەکان ئاماژەیان بەوە داوە کە ئەم دیدارە ڕووبەڕووە پێشکەوتنێکی بەخۆیەوە بینیوە لەسەر کۆمەڵێک دۆسیەی هاوبەش و هەستیار کە جێگەی بایەخی هەردوولا بوون.