حکومەتی پاکستان دەڵێت، هەوڵەکانیان بەردەوامە بۆ ئەوەی ئاگربەست بەردەوام بێ و دانوستانی نێوان ئەمریکا و ئێران دەستپێبکاتەوە.
وەزارەتی دەرەوەی پاکستان ڕایگەیاند، پابەندن بە هەوڵەکانیان بۆ دەستپێکردنەوەی گفتوگۆ و دانوستانەکان و بەردەوامیی ئاگربەست و ڕێگرتن لە سەرهەڵدانەوەی جەنگ لە ڕۆژهەڵاتی ناوەڕاست.
وەزارەتی دەرەوەی پاکستان ڕاشیگەیاند، هەوڵە دیبلۆماسیەکانیان بۆ ئەو مەبەستە بەردەوامیی هەیە و لە گفتوگۆ و هەوڵی بەردەوامدان لەگەڵ وڵاتانی ناوچەکە و کۆمەڵگەی نێودەوڵەتیی.
باس لەوەش‌دەکات، لەگەڵ تاران و واشنتن لە سەر هێڵن و لە گفتوگۆی بەردەوامدان بۆ دەستپێکردنەوەی گفتوگۆکانی هەردولا.