ئەسعەد شەیبانی، وەزیری دەرەوەی سووریا، سەردانی ئەنقەرەی کرد و لەگەڵ هاکان فیدان، هاوتا تورکەکەی، کۆبووەوە.
لە کۆبوونەوەکەدا تاوتوێی پەرەپێدانی پەیوەندییەکانی نێوان هەردوو وڵات، کارەکانی ئەنجوومەنی باڵای هەماهەنگی و دوایین پێشهاتەکانی ناوچەکە کرا.
بەپێی ڕاگەیەندراوی وەزارەتی دەرەوەی حکومەتی کاتیی سووریا، هەردوو وەزیر دوای کۆبوونەوە دوقۆڵییەکەیان، لەگەڵ تۆم باراک، نوێنەری تایبەتی ئەمریکا بۆ کاروباری سووریا و عێراق، کۆبوونەوە و دۆسیە هاوبەشەکانیان تاوتوێ کرد.