وەزارەتی دەرەوەی ئێران لە راگەیەندراوێکدا سەبارەت بە هێرشە سەربازییەکانی ئەمریکا، ڕای گەیاند کە لە هێرشەکانی شەوی رابردووی ئەمریکا بە توندترین شێوە مەحکوم دەکەین و جەختی لەسەر مافی تەواوی بەرگریی وڵاتەکەی کردووەتەوە.
بەپێی ڕاگەیەندراوەکە، لە ئەنجامی هێرشەکانی ئەمریکا لە پارێزگاکانی خوزستان، سیستان و بەلۆچستان، هورمزگان و كرمان، چەندین هاووڵاتی شەهید و بریندار بوون، و لە هێرشێکدا بۆ سەر ئاهەنگی هاوسەرگیری لە کوهستەک سەر بە شارستانی سیریک لە پارێزگای هورمزگان، زیاتر لە ٧٠ کەس لە هاووڵاتییان کە زۆربەیان ژن و منداڵ بوون، کوژراو و بریندار بوون.
وەزارەتی دەرەوەی ئێران ڕاشی گەیاند کە لە وەڵامی ئەم تجاوزە سەربازییەدا، هێزە چەکدارەکانی ئێران لە چوارچێوەی مافی بەرگریدا، بنکە سەربازییەکانی ئەمریکایان کردووەتە ئامانج، و داوای لە وڵاتانی ناوچەکە کردووە ڕێگری بکەن لە بەکارهێنانی خاکەکەیان لەلایەن ئەمریکاوە بۆ پەرەپێدانی توندوتیژی.