لەسەر ڕێگای گشتیی نێوان کەلار و خانەقین، بەهۆی وەرگەڕانی ئۆتۆمبێلێکی جۆری پیجۆوە شەش کەس بریندار بوون و ڕەوانەی نەخۆشخانە کران.
سامان عەلی، گوتەبێژی هاتووچۆی گەرمیان، ڕاگەیاند کە سەرلەبەیانیی ڕۆژی دووشەممە، ٣١ی ئابی ٢٠٢٦، لە نزیک گوندی سەوزبڵاخ ئۆتۆمبێلەکە وەرگەڕاوە و لە ئەنجامدا شۆفێرەکە و پێنج سەرنشینی ناو ئۆتۆمبێلەکە بریندار بوون.
بریندارەکان کە لەدایکبووی ساڵانی ٢٠٠٠، ٢٠٠١، ٢٠٠٣ و ٢٠٠٤ن، بۆ وەرگرتنی چارەسەری پزیشکی ڕەوانەی نەخۆشخانەی فریاکەوتنی شەهید هەژار لە کەلار کراون و باری تەندروستیی سەرجەمیان جێگیرە. تیمەکانی هاتووچۆش گەیشتوونەتە شوێنی ڕووداوەکە و لێکۆڵینەوەیان بۆ زانینی هۆکاری وەرگەڕانەکە دەست پێ کردووە.