دەزگای هەواڵگریی نیشتمانیی عێراق ئاشکرای کرد کە باندێکی تاوانکاریی پێک هاتوو لە ١٠ کەسی بیانییان لە شاری بەغدا دەستگیر کردووە، کە خەڵکی بیانییان دەستبەسەر کردبوو و لە بەرامبەر ئازادکردنیانشکەنجە دان و داوای پارەیان کردبوو.
بەگوێرەی ڕاگەیەندراوی دەزگەکە، کە بە پشتبەستن بە زانیاریی وردی هەواڵگریی و هاوئاهەنگیی لەگەڵ وەزارەتی ناوخۆ ئەنجام دراوە، تاوانباران بە بەهانەی دۆزینەوەی هەلی کار هاوڵاتییانی بیانییان خەڵەتاندبوو و هێنابووە عێراق.
تۆمەتباران دوای دەستبەسەرکردنی قوربانییەکان، ئەشکەنجەیان داون و وێنەیان گرتوون و بۆ فشارخستنەسەر، بۆ کەسوکاریان ناردوون تا لە بەرامبەر ئازادکردنیان بڕە پارەیەک ڕادەست بکەن.
هەروەها دەرکەوتووە کە ئەندامانی باندەکە بە شێوەیەکی نیاسایی لە عێراقدا ماونەتەوە.