دوای ئەوەی لە چەند ڕۆژی ڕابردوودا نرخی نەوت لە بازاڕەکانی جیهاندا ئاستی ١٠٠ دۆلاری تێپەڕاند، ئەمڕۆ نرخەکەی بەراورد بە ڕۆژانی پێشوو بەڕێژەی نزیکەی %٤ دابەزی و بە کەمتر لە ٩٧ دۆلار مامەڵەی پێوەدەکرێت.
بەپێی دوا ئامارەکانی بازاڕی وزە، نرخی یەک بەرمیل نەوتی خاوی برێنت بۆ ٩٦ دۆلار و ٧٨ سەنت دابەزیوە. هاوکات نرخی یەک بەرمیل نەوتی خاوی تەکساسی ئەمریکیش گەیشتووەتە ٨٩ دۆلار و ٣١ سەنت.
ئەم دابەزینەی نرخەکان لە کاتێکدایە کە ئاڵۆزییە سەربازییەکانی نێوان ئەمریکا و ئێران بەردەوامن و گرژییەکانی گەرووی هورمز، بابولمەندەب و دەریای سوور بەهۆی هێرشەکانی حوسییەکانەوە لە لووتکەدان.