سایتی نێت بلاکس ڕایدەگەیەنێت، سنوردارکردنی هێڵی ئینتەرنێت لە ئێران گەیشتووەتە 792 کاتژمێر و بەشێوەیەکی فەرمیش ماوەی 34 ڕۆژە ئینتەرنێت لە ئێران زۆر سنور دارکراوە.
سایتی نێت بلاکس، تۆڕێکی جیهانییە کە چاودێریی کێشە و گیروگرفتەکانی ئینتەرنێت لەسەرانسەری جیهان دەکات و دەڵێت، تەنها 1٪ـی هاوڵاتییانی ئێران ئئینتەرنێتییان هەیە، ئەوانیش بەرپرسان و کەسانی سەر بە حکومەتی ئێرانن.
بەگوێرەی زانیارییەکانی نێت بلاکس، ڕاپۆرتەکان ئاماژە بە پەرەسەندنی نیگەرانییەکان سەبارەت بە دۆخی ناوخۆیی ئێران دەکەن و ئەوە هاتووە، بەشێکی زۆر لە هاوڵاتییانی ئێرانی دەرەوەی وڵات بێ ئاگان لە چارەنووسی خێزان و هاوڕێکانیان و پەیوەندییەکانیان بە توندی بەرتەسک کراوەتەوە.
نێت بلاکس، تۆڕێکی جیهانییە کە چاودێری کێشەو گیروگرفتەکانی ئینتەرنێت لەسەرانسەری جیهان دەکات و ڕۆژانەش ڕاپۆرتی هەیە لەسەر دۆخی ئینتەرنێت لەوڵاتانی جیهاندا.