بەپێی ئاماری فەرمیی بەڕێوەبەرایەتیی گشتیی تەندروستیی سلێمانی، تەنها لە مانگی ڕابردوودا ٧٥٧ منداڵ لە نەخۆشخانەی منداڵبوونی شارەکە لەدایک بوون، کە ئەمەش نیشانەی بەردەوامیی ڕێژەی لەدایکبوونە لە ناوچەکەدا و خزمەتگوزارییە پزیشکییەکانیش لەو ناوەندەدا بە ڕێژەیەکی فراوان پێشکەش کراون.
بە گوێرەی وردەکاریی ئامارەکە، لە کۆی گشتیی ئەو منداڵانەی لەدایک بوون، ٣٩٥ منداڵیان ڕەگەزی نێر (کوڕ) بوون و ٣٦٢ منداڵیشیان ڕەگەزی مێ (کچ) پێکهێناون.
هەروەها لە میانەی ئامارەکاندا ئەوەش خراوەەڕوو کە ٢٢٢ منداڵ بە شێوەی پێشوەختە و پێش تەواوبوونی مانگەکانی دووگیانی (نەبەکام) لەدایک بوون، کە بەهۆی بارودۆخەکەیانەوە پێویستیان بە چاودێریی ورد و تایبەتی پزیشکی و خستنە ناو باوەشی چاودێرییەوە هەبووە تاوەکو دۆخی تەندروستییان جێگیر دەبێت.