وەزارەتی دارایی هەرێمی کوردستان ڕایگەیاند، سبەی لیستی مووچەی مانگی دووی مووچەخۆران و ڕاپۆرتی تەرازووی پێداچوونەوەی مانگی یه‌ك ڕادەستی وەزارەتی دارایی عێراق دەکرێت.
وەزارەتی دارایی دەڵێ، ئێوارەی ئەمڕۆ لیستی مووچەی مانگی دوو و ڕاپۆرتی تەرازووی پێداچوونەوەی مانگی یه‌ك لەلایەن تیمی تەکنیکی وەزارەتی دارایی و ئابووری هەرێمی کوردستانەوە ڕەوانەی بەغداد دەکرێت و سبەی ڕادەستی فەرمانگەی ژمێریاری وەزارەتی دارایی حکومەتی فیدراڵ دەکرێت.
ئاماژە بەوەشدەکات، هەندێک زانیاریی و هەواڵی نادروست لەسەر لیستی مووچە و ڕاپۆرتی تەرازووی پێداچوونەوە بڵاوکراوەتەوە هیچ بنەمایەکیان نییە و تێکڕایان ناڕاستن.
جگە لە ناردنی 120 ملیار دینار داهاتی ناوخۆ، مەرجی عێراق بۆ ناردنی مووچەی هەرێمی کوردستان مانگانە ناردنی لیستی مووچە و تەرازووی پێداچوونەوەی مانگی پێشووە.