لە کۆبوونەوەی ئەنجومەنی هەماهەنگیی پیشەسازیدا، سەرۆکوەزیرانی عێراق بڕیاریدا سەرجەم پارێزگاکان ڕووبەری ١٠٠٠ دۆنم زەوی بۆ دامەزراندنی پڕۆژە پیشەسازییەکان تەرخان بکەن، بە ئامانجی بەهێزکردنی ئابووری و پەرەپێدانی بەرهەمی نیشتمانی.
لە چوارچێوەی هەنگاوەکان بۆ پاراستنی سامانی ناوخۆیی و پاڵپشتیکردنی پیشەسازیی خۆماڵی، بڕیاریش درا کە هەناردەکردنی کەرەستەی خاو و سکراپی کانزاکانی وەک مس، ئەلەمنیۆم، قورقوشم و ئاسن بە تەواوی قەدەغە بکرێت و جەخت لەسەر کارپێکردنی سیستمی ئەسیکۆدا لە دەروازە سنورییەکان کرایەوە.
سەرەڕای ئەوەی ئەم بڕیارانە تایبەتن بە سیاسەتی بازرگانی و پیشەسازیی فیدراڵی، بەڵام جێبەجێکردنیان لە دەروازە گومرگییەکان کاریگەریی ڕاستەوخۆی لەسەر تەواوی ناوچەکانی عێراق، بە هەرێمی کوردستانیشەوە، دەبێت.