لە پەرەسەندنێکی نوێدا لە پەیوەندییە نێودەوڵەتییەکان و دۆخی ئابووریی تاراندا، سەرۆکی ئەمریکا ڕایگەیاند کە ئێران بە کردەوە وازی لە بەرنامەی چەکی ئەتۆمی هێناوە، و لە بەرانبەریشدا سەرۆککۆماری ئێران جەخت دەکاتەوە کە وڵاتەکەی سەرەڕای فشارەکان لە بەرانبەر جەنگی ئابووریدا ڕووبەڕووبووەوە.
سەرۆکی ئەمریکا لە گەشتێکیدا بۆ ولایەتی ئۆهایو ئاماژەی بەوە دا کە ئێران لە قەیرانێکی قورسی ئابووریدایە و جەختی کردەوە کە کۆماری ئیسلامی بە کردەوە خەریکی وازهێنانە لە بەرنامەکەی بۆ دروستکردنی چەکی ئەتۆمی.
لە بەرانبەردا، مەسعود پزیشکیان، سەرۆککۆماری ئێران، لە کۆبوونەوەی کابینەکەی وێڕای داننان بە سەختیی دۆخی ئابووریی وڵاتەکەی، ڕایگەیاند که سەرەڕای هەموو زەخت و فشارەکان، "دوژمن نەیتوانیوە ئامانجەکانی لە جەنگی ئابووریدا بەدەستبهێنێت." پزیشکیان هەروەها تیشکی خستە سەر هەنگاوەکانی حکومەتەکەی بۆ بەرەنگاربوونەوەی قەیرانەکان و ئاماژەی بەوە دا کە ڕێکخستنێکی نوێ بۆ بەڕێوەبردنی کاروبارەکان گیراوەتە بەر.