پەرلەمانتارانى ژنى تورکیا لە پارتە سیاسییە جیاوازەکان بۆ یەکەمجار بەرەیەکى هاوبەشیان پێکهێنا و بڕیاریاندا پێکەوە کاربکەن بە مەبەستى بەهێزکردنى ڕۆڵى ژنان لە کایەکانى بڕیاردانا.
ڕێژەی ژنان لە پەرلەمانى تورکیا لە خوار 20% ـە و بە وتەى ژنان ئەمەش بە مانای یەکسانی دەنگدان و پێگەى بڕیاردان نییە، لەکاتێکدا لە کۆی 592 ئەندامى پەرلەمان، 115 پەرلەمانتاریان ژنن، بەمەش ڕێژەی گشتیی ژنان لە پەرلەمان 19.4% ـە.
ئەو بەرەى کە دامەزرا پڕۆژەیەکى ئامادەکردووە بۆ ئەوەی لە قۆناغی یەکەمدا لەگەڵ سەرۆکی گشتی و هاوسەرۆکانی سەرجەم لایەنە سیاسییەکان کۆببنەوە.