لەسەر بانگهێشتی فەرمیی عەباس عێراقچی، وەزیری دەرەوەی ئێران، بڕیارە سبەی سەردانی تاران بکات؛
ئەمەش بەپێی لێدوانی بێستوون فایەق، ڕاوێژکاری سەرۆکی یەکێتیی نیشتمانیی کوردستان و ئیسماعیل بەقایی، گوتەبێژی وەزارەتی دەرەوەی ئێران کە بە تۆڕی میدیایی رووداویان ڕاگەیاندووە.
لەم سەردانە فەرمییەدا بافڵ جەلال تاڵەبانی لەگەڵ مەسعوود پزیشکیان، سەرۆککۆماری ئێران؛ محەممەدباقر قالیباف، سەرۆکی پەرلەمان و عەباس عێراقچی، وەزیری دەرەوە کۆ دەبێتەوە، و دۆخی ناوچەکە و کەمکردنەوەی گرژییەکانی نێوان واشنتۆن و تاران دەبنە تەوەری سەرەکیی کۆبوونەوەکان.
گوتەبێژی وەزارەتی دەرەوەی ئێران ئاماژەی بەوەش کرد کە سەردانەکە لە چوارچێوەی ڕاوێژکارییە بەردەوامەکانە بۆ فراوانکردنی پەیوەندییە دووقۆڵییەکان و پتەوکردنی ئاشتی و سەقامگیری لە ناوچەکەدا.