ڕەجەب تەیب ئەردۆغان، سەرۆککۆماری تورکیا، لە کۆبوونەوەی فراکسیۆنی پارتەکەیدا لە پەرلەمان، سەبارەت بە پرۆسەی ئاشتی ڕایگەیاند، سەرەڕای هەوڵەکان بۆ لەباربردنی پڕۆسەکە، هەنگاوەکان بە ئاراستەیەکی ڕاست و دیاریکراودا دەڕۆن.
ئەردۆغان ئاماژەی بەوە کرد، سەرەڕای هەموو ئەو هەوڵە ئاشکرا و نهێنییانەی بۆ تێکدانی پڕۆسەکە خراونەتەگەڕ، کەچی پڕۆسەکە 18 مانگی تێپەڕاندووە و ئێستا لە قۆناغێکی هەستیارترە، بە تایبەت دوای پەسەند کردنی ڕاپۆرتی کۆمیسیۆن.
سەرۆککۆماری تورکیا جەختی لەوە کردەوە، ئەو شتانەی دەبێت بکرێن دیارن و کەشێکی ئەرێنی باڵی بە سەر پرۆسەکەدا کێشاوە، هەمان ئەو کەشەی لە پێشوازیی 23ی نیسان هەستی پێ کرا.
ئەردۆغان داوای لە هەموو لایەک کرد، بە هەستیاری و بەرپرسیاریەتییەوە مامەڵە بکەن و دوور بکەونەوە لە هەر گوتە و کردارێک، کە زیان بە پرۆسەکە دەگەیەنێت. هۆشداریشیدا مێژوو ناوی ئەو کەسانە تۆمار دەکات، کە پشتیوانییان لە ئەم قۆناغە کردووە.