لە ساڵیادی 28هەمینی پیلانگێڕیی نێودەوڵەتیی 9ی تشرینی یەکەمی 1998دا، کە بە دەرچوونی لە سووریا دەستی پێکرد، هەڵسەنگاندنەکانی عەبدوڵڵا ئۆجەلان سەبارەت بەو پیلانگێڕییە جارێکی دیکە خرانەوە ڕوو.
ئۆجەلان ئاماژە بەوە دەکات کە دەرچوونی لە سووریا پەیوەندی بە ئۆپەراسیۆنێکی ناتۆ-گلادیۆوە هەیە و ڕۆڵی ئەمریکا، ئینگلتەرا و ئیسرائیل لەم پیلانگێڕییەدا بەم شێوەیە دەخاتە ڕوو: "ئەمە پیلانگێڕییەک بوو کە هیچ شانسێکی ڕزگاربوون تێدا نەبوو.
سیناریۆکە لەلایەن کەسانی دیکەوە نووسرابوو، لە ئیمڕاڵی نمایش کرا. ویلایەتە یەکگرتووەکانی ئەمریکا و هێزە هەژموونخوازەکانی جیهان باوەڕیان وابوو کە لە ڕێگەی جەنگ و لەناوبردنەوە دەگەنە ئامانجەکانیان.
من مەحکوومی تورکیا نییم، من مەحکوومی ئەم پیلانگێڕییەم."
هەروەها ئۆجەلان تیشک دەخاتە سەر ڕۆڵی وڵاتانی ئەوروپا و هەڵوێستیان بەرامبەر چارەسەری دیموکراسی و بانگەواز دەکات کە تاکە ڕێگا بەهێزکردنی بنەمای دیموکراسییە، بە جۆرێک دەڵێت: "بۆ ئەوەی ئەم یارییانە تێکبدەین، ئێمە بنەمای دیموکراسی بە زۆر پەرەپێدەدەین. ڕێگایەکی دیکە نییە. ئەم کێشەیە یان بە جەنگ قووڵتر دەبێتەوە، یان چارەسەری دیموکراسی و ئاشتی گەشە دەکات."