شاندی ئیمراڵی دەم پارتی ڕاگەیەندراوێکی بەپەلەی بڵاوکردەوە و تێیدا هۆشداری توندی لە بڵاوبوونەوەی زانیاریی ناڕاست لە تۆڕە کۆمەڵایەتییەکاندا، دەربارەی کۆبوونەوەکانی عەبدوڵا ئۆجالان.
لە ڕاگەیەندراوەکەدا هاتووە، ئەو نووسینانەی لەم دواییانەدا بەناوی "تێبینییەکانی کۆبوونەوە" بڵاودەکرێنەوە دەستکاریکراون و ئامانجی سەرەکییان چەواشەکردنی ڕای گشتی و تێکدانی قۆناغەکەیە. شاندەکە جەختی کردەوە، ئەم جۆرە جووڵانە مەترسیدارن و بە هیچ شێوەیەک قبووڵکراو نین.
دەم پارتی داوای لە ڕای گشتی کرد ئاگادار بن و تەنیا بڕوا بەو بەڵگە و زانیارییانە بکەن، کە بە شێوەیەکی فەرمی لەلایەن شاندی ئیمراڵی، بنەماڵە، یان پارێزەرانی ئۆجەلانەوە بڵاودەکرێنەوە.
شاندی ئیمراڵی هۆشداری لە بڵاوبوونەوەی زانیاریی ناڕاست دەدات
