سادق شێخ عوسمان، گوتەبێژی یەکێتیی خانەنشینانی کوردستان ڕایگەیاند، ئەو فەرمانبەرانەی لەم ساڵدا خانەنشین بوون، بەهۆی دواکەوتنی مامەڵەکانیانەوە موچەی چوار بۆ پێنج مانگیان راگیراوە و کاتێکیش موچەیان بۆ دەبەسترێت، تەنیا یەک موچەیان پێ دەدرێت.
بەگوێرەی یاساکانی خانەنشینی، دەبێت هەموو ئەو موچانەی لە کاتی ڕاییکردنی مامەڵەکاندا دوادەکەون، پێکەوە بپەسترێن و بەسەر خانەنشیناندا دابەش بكرێن، بەڵام ئەم خاڵە لە هەرێمی کوردستان جێبەجێ نەکراوە.
سادق شێخ عوسمان جختی لەوە کردەوە، بۆ داواکردنی موچە راگیراوەکان و مافە یاساییەکانیان، بڕیارە سبەی یەکێتیی خانەنشینان لە بەردەم باخی گشتیی سلێمانی کۆببنەوە و لە ڕێگەی کۆنگرەیەکی ڕۆژنامەوانییەوە پەیامی خۆیان ئاراستەی حکومەتی هەرێمی کوردستان و حکومەتی فیدراڵیی عێراق بکەن.
بە گوێرەی ئامارە فەرمییەکان، لە هەرێمی کوردستان زیاتر لە 170 هەزار خانەنشینی شارستانی و سەرووی 70 هەزار خانەنشینی سەربازی تۆمار کراون.
لەبارەی خانەنشیانی ئەمساڵەوە یەکێتی خانەنشینان ڕوونکردنەوەیدا
