علی الزیدی، سەرۆکوەزیرانی عێراق، ڕۆژی چوارشەممە سەردانی بارەگای سەرکردایەتیی حەشدی شەعبیی کرد و لە نزیکەوە ئاگاداری ڕەوشی هێزەکان و زیانەکانی هێرشەکانی بەرەبەیانی ئەمریکا و سعودیە بوو، کە بوونە هۆی کوژران و برینداربوونی 20 چەکدار.
بەپێی ڕاگەیێنراوێکی نووسینگەی سەرۆکوەزیران، علی الزیدی لە سەردانەکەیدا پوختەیەکی لەسەر چۆنیەتیی هێرشەکان پێگەیشت کە دەیان کوژراو و برینداری لە ڕیزەکانی حەشدی شەعبیدا لێکەوتووەوە.
ڕاسپاردەکانی سەرۆکوەزیران
نووسینگەی سەرۆکوەزیرانی عێراق ڕایگەیاند، لەم سەردانەدا علی الزیدی چەند ڕێنمایی و بڕیارێکی دەرکرد، لەوانە:
ڕێزلێنانی کەسوکاری سەربەرز شەهیدان.
دابینکردنی چاودێریی پزیشکیی تەواو بۆ برینداران.
گرتنەبەری هەموو ڕوشوێن و هەنگاوێکی پێویست بۆ خێرابوونی پرۆسەی چارەسەرکردنیان.