وەزارەتی پەروەردەی حکومەتی هەرێمی کوردستان، ڕۆژی 1ی ئەیلوولی 2026ی وەک کاتی دەستبەکاربوونەوەی مامۆستایان بۆ ساڵی نوێی خوێندنی 2026-2027 دیاریکرد.
بە گوێرەی فەرمانێکی وەزاری بە واژۆی ئالان حەمەسەعید، وەزیری پەروەردە، کە ڕۆژی یەکشەممە 30ی ئابی 2026 بڵاوکراوەتەوە، بڕیاردراوە ڕۆژی سێشەممە 1-9-2026 سەرجەم مامۆستایانی ناوەندەکانی خوێندنی حکومی دەستبەکار ببنەوە.
پەیمان خەواجە، گوتەبێژی وەزارەتی پەروەردە ڕوونی کردەوە، ئەم هەنگاوە ڕێکارێکی ساڵانەیە بە مەبەستی دیاریکردنی میلاکی وەزارەت و ئامادەکارییەکان. سەبارەت بە دەستپێکردنی وانەکانی قوتابییان، ناوبراو ئاماژەی بەوە کرد، کە کۆبوونەوەی ئەنجوومەنی وەزارەت بۆ پەسەندکردنی ساڵنامەی نوێ بەڕێوەدەچێت و کاتی دەستپێکی خوێندن بە فەرمی ڕادەگەیێندرێت، کە بە شێوەیەکی ئاسایی دەکەوێتە دوای تەواوبوونی تاقیکردنەوەکانی خولی دووەمی پۆلی 12ی ئامادەیی.
وەزارەتی پەروەردە ڕووژی دەستبەکاربوونەوەی مامۆستایانی دیاریکرد
