عەلی زەیدی، سەرۆکوەزیرانی عێراق لە کۆبوونەوەی دەمەوبەیانی ئەمڕۆی ئەنجومەنی وەزیراندا، کارنامەی کابینەکەی بۆ ساڵانی 2026-2029 پەسەند کرد و بۆ دەنگدان ڕەوانەی پەرلەمانی عێراقی کرد.
نوسینگەی سەرۆکوەزیرانی عێراق لەبارەی کارنامەکەوە دەڵێت، 139 کاری لەپێشێنەی هەیە و لە چوارچێوەی 14 کەرتی خزمەتگوزاری جیاوازدا، گرنگترینیان بەهێزکردنی سەروەری دەوڵەت و ئاسایشی نیشتمانی و چاکسازی ئابووری و دارایی و پیشەسازی و بەرەنگاربوونەوەی گەندەڵی.
باسی لەوەشکردووە، کارنامەکەیان، پەسەندکردنی بەرنامەیەکی نیشتمانی گشتگیرە بۆ چاکسازی دامەزراوەیی و بەرەنگاربوونەوەی گەندەڵی دارایی و ئیداری.
لە کارنامەکەدا هاتووە، هەوڵەکانیان بۆ یەکخستنی بڕیاریی ئەمنی و بەستنەوەی هەموو سەرچاوە و توانا سەربازییەکان بە سیستمی بەرگریی فەرمی عێراقەوە بەردەوامە.