هێزە ئەمنییەکانی ئێران شەش چالاکوانی ژینگەپارێزییان لە مەریوان دەستگیرکرد

هێزه‌ ئه‌منییه‌كانی ئێران له‌ شاری مه‌ریوانی ڕۆژهه‌ڵاتی كوردستان شه‌ش چالاكوانی ژینگه‌پارێزیان ده‌ستگیركرد.

بەگوێرەی زانیارییەکانی ڕێکخراوەکانی مافی مرۆڤ لە ڕۆژهەڵاتی کوردستان، لەچوارچێوەی دەستبەسەرکردن و گوشارەکانی حکومەتی ئێراندا هێزە ئەمنییەکانی ئەو وڵاتە شەش هاوڵاتی و ژینگەپارێزی کوردییان لە گوندی "نێ"ی سە بەر شاری مەریوان دەستگیرکردووە.

ڕێکخراوەکان ئاماژەیان بەوەشکردووە، هێزەکانی ئیدارەی ئیتڵاعات و ئیتڵاعاتی سوپا بە بەکارهێنانی دەیان ئۆتۆمبێلی سەربازی هەڵیانکوتاوەتە سەر گوندی "نێ"ی له‌ سنوری مه‌ریوان و دوای پشکنینی ماڵەکانی گوندەکە بەبێ نیشاندانی هیچ پەڕاوێکی دادوەر، شەش هاوڵاتییان دەستگیرکردووە.

ڕێکخراوەکان ئاشکراشیان کردووە، ئەگەری بەرزبوونەوەی ژمارەی دەستبەسەرکراوان لە ڕۆژهەڵاتی کوردستان لە ئارادایە، تا ئێستاش چارەنووس و ئەو تۆمەتانەی دراونه‌تە پاڵ ئەم شەش هاوڵاتییە کوردە ئاشکرا نەکراون.