ڕێبوار ئاودانان گوتەبێژی پژاک لە هەژماری فەرمی خۆی لە تۆڕی ئێکس جەختی لەسەر گرنگیی خۆڕێکخستن و بەرگریی ڕەوا لە ڕۆژهەڵاتی کوردستان و ئێران کردەوە و ڕایگەیاند، نەتەوەیەک بەدوای ئازادیدا بگەڕێت، دەبێت پێش هەموو شتێک توانای پاراستنی خۆی هەبێت.
ڕێبوار ئاودانان گوتەبێژی پارتی ژیانەوەی کوردستان ( پژاک ) ڕایگەیاند: "ئەگەر نەتەوەیەک بیەوێت بە ئازادی بژێت، بەر لە هەر شتێک دەبێت بتوانێت بەرگری لە خۆی بکات. ئاستی بەرزی خۆڕێکخستنی نەتەوەی کورد لە ڕۆژهەڵاتی کوردستان و ئێران بە جۆرێکە کە لەمەودوا لە بەرامبەر هەر هێرش و کۆشتارێکدا، لە چوارچێوەی بەرگریی ڕەوادا وەڵام دەداتەوە."
ناوبراو جەختیشی کردەوە کە پەیڕەوکردنی سیاسەت و کاری دیموکراتیک بەبێ هەبوونی سیستەمی بەرگری مەحاڵە و گوتی: "سیاسەتی دیموکراتیک هەرگیز بەبێ بەرگری و بەرگریکردن لە خۆ نابێت."