بە گوێرەی ڕاپۆرتێکی تۆڕی مافەکانی مرۆڤی کۆڵبەرنیوز، لە بەرەبەیانی ڕۆژی دووشەممە 24ی ئابی 2026، هێزە ئەمنییەکان هەڵیانکوتاوەتە سەر ماڵی دوو هاوڵاتی بە ناوەکانی مەولود ڕووستا و سەعدون دەستاری و بەبێ پێدانی بڕیاری دادگا دەستبەسەریان کردوون و بۆ شوێنێکی نادیاریان گواستوونەتەوە.
کۆڵبەر نیوز ڕایگەیاندووە، مەولود ڕوستا دوای تێپەڕبوونی چەند کاتژمێرێک بە بارمتە بە شێوەیەکی کاتی ئازاد کراوە، بەڵام تاوەکو ئێستا هیچ زانیارییەک لەسەر بڕی بارمتەکە و ئەو تۆمەتانەی ئاڕاستەی کراون ئاشکرا نەکراوە.
لە ڕاپۆرتەکەی کۆڵبەر نیوزدا هاتووە، سەعدون دەستاری لە دەستبەسەریدا ماوەتەوە و هیچ زانیارییەک لەسەر شوێنی ڕاگرتن، دۆخی تەندروستی و چارەنووسی لە بەردەستدا نییە.
تاوەکو ئێستا شوێن و دەزگای دەستبەسەرکراو، هۆکاری دەستگیرکردن و ئەو تۆمەتانەی ڕووبەڕووی کراونەتەوە ناڕوونن.
بەردەوامیی بێ هەواڵیی لە دۆخی سەعدون دەستاری دروستبوونی شەپۆلێک لە نیگەرانی و دڵەڕاوکێی لای بنەماڵە و کەسوکاری لێکەوتووەتەوە.
دوو هاوڵاتی لە شنۆ لەلایەن هێزە ئەمنییەکانەوە دەستبەسەر کران
