نێچیرڤان بارزانی، سەرۆکی هەرێمی کوردستان ڕایگەیاند، پێویستە حکومەتی فیدراڵ لە کاتی ئامادەکردنی پرۆژەیاسای بودجەدا بە تەواوەتی پشکی هەرێمی کوردستان جێگیر بکات و جەختی کردەوە، گفتوگۆی لیژنە هونەرییەکان بەتەنیا بەس نییە، بەڵکو دەبێت هاوئاهەنگیی جیدی لەگەڵ دامەزراوەکانی هەرێم هەبێت.
نێچیرڤان بارزانی سەرۆکی هەرێمی کوردستان ئاماژەی بەوە کرد، یاسای بودجە بابەتێکی زۆر گرنگە و داوای کرد بەغدا بە هاوکاری و هەماهەنگی لەگەڵ دەزگا پەیوەندیدارەکانی هەرێم پرۆژەیاساکە ڕەوانەی پەرلەمانی عێراق بکات.
نێچیرڤان بارزانی هەوڵەکان و دیالۆگی بەردەوامی نێوان هەردوو لایەنی بە ئەرێنی ناو برد و هیوای خواست ئەم گفتوگۆیانە بگەنە ئەنجامێک کە خێری بۆ هەموو پێکهاتەکانی هەرێمی کوردستان تێدا بێت.
نێچیرڤان بارزانی داوای جێگیرکردنی تەواوەتیی پشکی هەرێم لە بودجەی عێراقدا دەکات
