)- سەرۆکی حکوومەتی هەرێمی کوردستان پێشوازی لە سەرۆکی حزبی تەقەدوم کرد و لە کۆبوونەوەکەیانەتدا جەخت لە هاریکاریی هێزە سیاسییەکان و پاراستنی مافە دەستوورییەکان کرایەوە.
ئەمڕۆ پێنجشەممە، 30ـی تەممووزی 2026، مەسرور بارزانی، سەرۆکی حکوومەتی هەرێمی کوردستان، پێشوازی لە محەممەد ئەلحەلبووسی، سەرۆکی حزبی تەقەدوم و شاندێکی یاوەری کرد.
لە دیدارەکەدا، جەختکرایە سەر پێویستیی پەرەپێدانی پەیوەندی، هاریکاری و هاوئاهەنگیی نێوان هێز و لایەنە سیاسییەکانی عێراق، بە ئامانجی ڕووبەڕووبوونەوەی کێشە، ئاستەنگ و ئاڵنگارییە جۆراوجۆرەکان.
هاوکات، هەردوولا هاوڕابوون لەسەر گرنگیی پاراستنی سیستەمی دیموکراسی و فیدراڵیی عێراق، هەروەھا پشتیوانیکردنی حکوومەتی فیدراڵ لە پێناو پاراستنی مافە دەستوورییەکانی گشت پێکهاتەکان و خزمەتکردنی سەرجەم هاووڵاتییانی عێراق بەشێوەیەکی دادپەروەرانە و بێ جیاوازی.