ژان نوێل بارۆت، وەزیری دەرەوەی فەڕەنسا، لە ساڵڕۆژی گیانلەدەستدانی ژینا ئەمینی پەیامێکی بڵاوکردەوە و دەڵێت: پەیامی ژن، ژیان، ئازادی لە جیهاندا دەنگی دایەوە.
وەزیری دەرەوەی فەرەنسا لە پەیامەکەیدا کە لە تۆری کۆمەڵایەتی ئیکس بڵاویکردوەتەوە، وێڕای ڕێزلێنان لە گیانی ژینا ئەمینی پشتیوانی وڵاتەکەی بۆ ژنان و پیاوانی ئێرانی دووپاتکردەوە.
وەزیری دەرەوەی فەرەنسا ئاماژەی بۆ ئەوەش کرد کە گیانلەدەستدانی ژینا پەیامی ژن، ژیان، ئازادی لێکەوتەوە کە لە سەرانسەری ئێران و جیهان دەنگی داوەتەوە.
بارۆت لە پەیامەکەیدا هەروەها نووسیویەتی کە سەرکوتکردنی خوێناوی کۆماری ئیسلامی ناتوانێت دەنگی ئازادیخوازی کپ بکات.
بارۆت دەشڵێت: فەرەنسا ژینا ئەمینی لەبیر ناکات و پاڵپشتی ئەو ژن و پیاوانە دەکات کە لە ئێران داوای دادپەروەری و کەرامەت دەکەن.