بافڵ جەلال تاڵەبانی، سەرۆکی یەکێتیی نیشتمانیی کوردستان لە شاری سلێمانی سەردانی مامۆستا عەلی باپیر، سەرۆکی کۆمەڵی دادگەریی کوردستانی کرد و پێکەوە دۆخی سیاسیی هەرێمی کوردستان و عێراقیان تاوتوێ کرد.
لە کۆبوونەوەکەدا، کە بە ئامادەبوونی شاڵاو کۆسرەت رەسوڵ و سالار لالە سەرحەد، لێپرسراوی بۆردی پەیوەندییە کوردستانییەکانی یەکێتی بەڕێوەچوو،.
هەردوولا جەختیان لە گرنگیی یەکخستنی هەوڵەکان و دیالۆگی نێوان لایەنە سیاسییەکان کردەوە بۆ چارەسەرکردنی کێشە و ئاڵۆزییەکانی ئێستای گۆڕەپانی سیاسی.
تەوەرێکی دیکەی سەرەکیی دیدارەکە، گفتوگۆکردن بوو لەسەر پەرەپێدان و بەهێزکردنی پەیوەندییە دووقۆڵییەکانی نێوان یەکێتیی نیشتمانیی کوردستان و کۆمەڵی دادگەریی کوردستان لە پێناو بەرژەوەندییە گشتییەکاندا.
