گوتەبێژی حکومەتی عێراق ڕایگەیاند، هەفتەی داهاتوو عەلی زەیدی، سەرۆکوەزیرانی عێراق دەچێتە ئەمریکا و لەگەڵ دۆناڵد ترەمپ و سەرکردەکانی جیهان کۆدەبێتەوە.
حەیدەر عەبودی، لە لێدوانێکیدا بۆ ئاژانسی هەواڵی عێراق ئاماژەی بەوەکردووە، زەیدی بۆ بەشدارییکردن لە کۆبوونەوەکانی کۆمەڵەی گشتیی نەتەوەیەکگرتووەکان دەچێتە نیویۆرک و لەوێیش گوتار پێشکەش دەکات.
عەبودی دەڵێ، خشتەی سەردانەکەی سەرۆکوەزیران و دیداری لەگەڵ ترەمپ و ژمارەیەک لە سەرۆک و سەرکردەکانی وڵاتانی دیکە لەخۆدەگرێت.
دەشڵێ، بە مەبەستی بەردەوامیدان و فراوانکردنی پەیوەندییە بازرگانیی و ئابوورییەکانی نێوان هەردوو وڵات، سەرۆکوەزیران بەشداری لە کۆبوونەوەی ژووری بازرگانیی ئەمریکادا دەکات.
لەبارەی چەکدانانی گرووپەکانیشەوە گوتوویەتی، 30ـی ئەیلوول وێستگەیەکی گرنگە و شێوازی پەیوەندییەکانی نێوان بەغداد و واشنتن دەگوازرێتەوە بۆ قۆناغی هاریکاری ئابوری ئابوری درێژخایەن.