باسم محەمەد، وەزیری نەوتی عێراق، لە نووسینگەی وەزارەتەکەی پێشوازی لە شاندێکی کۆمپانیای شیڤرۆنی ئەمریکی کرد بە مەبەستی تاوتوێکردنی چەند پڕۆژەیەکی پەرەپێدانی پیشەسازیی نەوت و کانزاکان.
لە کۆبوونەوەکەدا نەسیر عەزیز، بریکاری وەزارەت بۆ کاروباری دەرهێنانی نەوت و کانزاکان، لەگەڵ کەریم یاسر، بەڕێوەبەری گشتیی فەرمانگەی گرێبەست و مۆڵەتە نەوتییەکان ئامادە بوون.
لایەنەکان جەختیان لەسەر بەهێزکردنی هاوکارییەکان و تاوتوێکردنی ئەو بابەتانە کردەوە، کە پەیوەستن بە پرۆسەی پەرەپێدانی پیشەسازیی نەوت و وەبەرهێنان لە سێکتەرە جیاوازەکانی وزەدا.
وەزیری نەوتی عێراق لەگەڵ کۆمپانیای شیڤرۆن کۆبووەوە
