دوای کاڵبوونەوەی هیوای گەیشتن بە ڕێککەوتن لە نێوان ئێران و ئەمریکا، نرخی نەوتی خاوی برێنت بۆ هەر بەرمیلێک سەرووی ٩٠ دۆلاری تۆمار کرد.
بەگوێرەی زانیارییەکانی بازارەکانی نەوت، لە ماوەی ئەم هەفتەیەدا نرخی نەوتی خاو نزیکەی 10% بەرزبووەتەوە. ئەمەش لە کاتێکدایە کە بەشێکی گرنگی نەوتی جیهان لە ڕێگەی گەرووی هورمزەوە دەگوازرێتەوە و هەردوو وڵاتی ئەمریکا و ئێران هێشتا دوورن لەوەی لەسەر داهاتووی ئەم گەرووە ستراتیژییە بگەنە ڕێککەوتن.
شارەزایان ئاماژە بەوە دەکەن کە بەرزبوونەوەی بەرچاوی نرخی نەوت ڕاستەوخۆ بووەتە هۆی بەرزبوونەوەی ئاستی هەڵئاوسانی جیهانی و بەو هۆیەوەش تێچووی دابینکردنی خۆراک و هاتوچۆی هاووڵاتییان لە سەرانسەری جیهاندا ڕووی لە گرانبوون کردووە.