شاندێکی دەم پارتی کە پێکهاتووە لە پەروین بوڵدان، میدحەت سانجار و ئۆزگور فایەق ئەڕۆڵ، بەرەو دوورگەی ئیمراڵی بەڕێکەوت بۆ ئەوەی لەگەڵ عەبدوڵا ئۆجالان، ڕێبەری دامەزرێنەری پەکەکە کۆببنەوە.
میدیاکانی تورکیاش بڵاویان کردەوە کە تەوەری سەرەکیی دیدارەکە تایبەت دەبێت بە "یاسای چوارچێوە"ی پڕۆسەی ئاشتی، لە کاتێکدا بڕیارە سبەی دووشەممە ئەم یاسایە لەلایەن ئاکەپەوە پێشکەش بە پەرلەمانی تورکیا بکرێت.
ئەم سەردانە لە دوای ئەوە دێت کە شاندەکە لە ٢٠ی تەممووزدا، پاش تێپەڕبوونی ٦٠ ڕۆژ، سەردانی ئیمراڵی کردبوو و لەوێشدا ئۆجالان جەختی لەسەر پێویستیی یاسایەکی گشتگیر بۆ پڕۆسەی ئاشتی و کۆمەڵگەی دیموکراتیک کردبووەوە.