گوڵتان کشاناک، هاوسەرۆکی پێشووی شارەوانیی ئامەد، لە چاوپێکەوتنێکی تەلەڤزیۆنیدا سەبارەت بە گۆڕینی زیندانی ناوداری ئامەد بۆ مۆزەخانە ڕایگەیاند که دەبێت ئەو شوێنە تەنها بۆ نمایشی مێژوویی نەبێت،
بەڵکو پێویستە وەک ناوەندێک بۆ بەرەنگاربوونەوەی زوڵم، ستەم، ئەشکەنجە، کودەتاکان و باسکردنی پرسی کورد و مافەکانی مرۆڤ خزمەت بکات.
کشاناک تیشکی خستە سەر دۆخی زیندانی ژنان و ڕەفتاری دەسەڵاتداران، و ئاماژەی بەوە دا کە زیندانییان لەگەڵ هەموو ئەو گوشار و توندوتیژییە قورسانەی ڕووبەڕوویان دەبووەوە، بە هەموو هێزیانەوە بەرگرییان لە مافەکانی خۆیان دەکرد.