Serokê Meclisa Bilind a Îslamî ya Elewiyan li Sûriyê û Derveyî Welêt, Şêx Xezal Xezal, banga greva giştî ya 5 rojan kir.
Şêx Xezal got ku ji 8 heya12`ê mehê wê grev berwdewam bike û bang li Elewiyan kir ku di vê demê de li malên xwe bimînin.
Şêx Xezal: Rêjîmeke zordar çû rêjîmeke zordartir hat
Şêx Xezal destnîşan kir ku Hikûmeta Veguhêz hewl dide salvegera guhertina rêjîmek zordar bi rêjîmek hîn zordartir, pîroz bike.
Xezal anî ziman ku pêwîst bû bi hilweşîna rêjîma Baas re zordarî hatiba helweşandin, lê tiştê ku em niha dibînin dijberî azadiyê ye.
Her wiha da zanîn ku zulm zêdetir bûye, dengê bindestan hatiye tepisandin.
Şêx Xezal bang kir ku her kes tevlî girevê bibe
Di banga xwe de, Şêx Xezal navê "kesên azad û bi rûmet ên ku baweriya wan bi azadiya rastîn heye" bikar anî û got:
“Tev li girevê bibin, ji ber ku ev tevger helwesteke exlaqî li hemberî zordariyê ye.
Nehêlin zilm dengên we bitepisîne û bizanin ku her êrîşek li ser yek ji me êrîşek li ser me hemûyan e.”
