Devlet Bahçelî di hevpeyvîna xwe ya li gel rojnameya Turkgunê de diyar kir ku xebatên Komîsyonê ya ku di çarçoveya pêvajoya çareseriyê de li parlamentoya Tirkiyê hatibû avakirin, ber bi dawiyê ve hatiye.
Serokê MHP'ê bi bîr anî ku 3 parlamenterên endamên Komîsyonê li Îmraliyê bi Abdullah Ocalan re hevdîtin kiriye.
"Ji çûna Îmraliyê tirsiyan û reviyan"
Bahçelî, CHP'ê ji ber piştgiriyê nade pêvajoyê tohmetbar kir û got:
"Ji çûna Îmraliyê jî tirsiyan û reviyan. Îtirazên xwe bi gotinên tirsonek anîn zimên.
Di çareseriya pirsgirêka herî girîng a Tirkiyê de reviyan û xwe dan alî. Ez hêvî dikim ku rastiyê bibînin û ji qadê dernekevin."
Bahçelî ji bo paşerojê got: "Armanca me ew e ku ji sala 2026'an û pê ve tundî û çek bi temamî ji rojeva Tirkiyeyê derkevin."
