19'ê tîrmeha 2012'an, ji Kobanê dengê şoreşê bilind bû, çirûska Şoreşa Rojavayê Kurdistanê teqiya û roj bi roj geş bû.
Îro salvegera 14'an a Şoreşa Rojava ye.
Bi vê boneyê, li seranserî Kurdistan û cîhanê, bi peymanên cuda ev roj hat pîrozkirin.
KCK: Gelê Rojava dê destkeftiyan li ser xeta rêber APO biparêze
Li ser vê mijarê, KCK'ê bi daxuyaniyekê şoreşa 19'ê tîrmehê pîroz kir.
Hevserokatiya Konseya Rêveber a KCK'ê di daxuyaniya xwe de wiha got:
"Gelê Rojavayê Kurdistanê destkeftiyên xwe hemû li ser xeta Rêber Apo bi dest xistine.
Wê ji niha û pê ve jî destkeftiyên xwe li ser xeta Rêber Apo biparêze û bi pêş ve bibe."
KNK'ê salvegera Şoreşa Rojavayê Kurdistanê pîroz kir
Konseya Rêveber a Kongreya Neteweyî ya Kurdistanê KNK'ê bi boneya salvegera Şoreşa Rojava daxuyaniyek da.
KNK'ê salvegera 14'an a şoreşa 19'ê tîrmehê pîroz kir û ev lê zêde kir:
"Em ji Kurdistaniyan dixwazin ku ji bo parastin û jiyandina Rêveberiya Xweser, piştevaniyeke xurt raber bikin."
MSD: Pêdiviya Sûriyeke nû bi hevkarî û nenavendîkirinê heye
Meclisa Sûriya Demokratîk MSD'ê jî daxuyaniyek da.
MSD'ê di daxuyaniya xwe de ev hewcedariyên pêwîst ji bo Sûriya nû da:
"Pêdiviya avakirina Sûriyeke nû bi hevkarî, nenavendîkirin û diyaloga neteweyî heye."
PJAK: Şoreşa Rojava mînakeke pêkvejiyana aştiyane ya gelan e
Her wiha Partiya Jiyana Azad ya Kurdistanê PJAK'ê bi heman boneyê daxuyaniyek da û wiha got:
"Çareseriya berdewam a ji bo Sûriyê tenê bi rêya fermî naskirina mafên hemû pêkhateyan û pejirandina modela xwerêveberiya demokratîk dibe."
DBP: Destkeftiyên Rojava xwedîderketina li israra aştî û civaka demokratîk e
Ji Bakurê Kurdistanê jî daxuyanî û pîrozbahî hatin.
Partiya Herêmên Demokratîk DBP'ê salvegera şoreşa Rojava bi daxuyaniyekê pîroz kir.
DBP'ê diyar kir ku şoreşa 19'ê tîrmehê henaseyek ji bo gelê herêmê bû û ev lê zêde kir:
"Di wê pêvajoyê de ku netewdewletan bi netewperestî û mezhebperestiyê Rojhilata Navîn kirine qada xwîn û qeyranan,
Rojava bi stratejiya 'Rêya Sêyemîn' ku neteweya demokratîk bingeh digire, ji tevahiya herêmê re bûye nefes."
