Konsulê Dewletên Yekbûyî yên Amerîkayê (DYA) yê Edeneyê Eric R. Mehler û Midûra Karên Siyasî Minta Brodzinski li bajarê Rihayê serdana DEM Partiyê kirin.
Şande, ji hêla Hevberdevka Komîsyona Hiqûqê ya DEM Partiyê Sevda Çelîk Ozbîngol û Hevserokê DEM Partiyê yê Rihayê Nîhat Demîrbîleklî ve hate pêşwazîkirin.
Hevdîtin nêzî 2 saetan û ji çapemeniyê re girtî domiya. Di hevdîtinê de li ser bendewariyên gel ên têkildarî Pêvajoya Aştî û Civaka Demokratîk agahî hatin parvekirin. Şandeya Amerîkî got ku ew pêvajoyê dişopînin û dê encamên hevdîtinê bi navenda xwe ya welat re parve bikin.
