Rêberê Gelê Kurd Abdullah Ocalan ji serokê eşîrên herêmên Tebqa, Reqa, Dêrazor û Cizîrê re peyamek şand.
Rêberê Gelê kurd di peyama xwe de serokê eşîran bi hezkirin û rêzdarî silav dike û dibêje:
"Yekîtî û piştgiriya we ji Kurdan re li ser bingeha pergala neteweya demokratîk xwedî wateyeke mezin e.
Hûn bi vê yekîtiyê bingeheke dîrokî ya nû ya xwedî baweriya bi têkilî û hevbendiya di navbera gelên Ereb û Kurd de ava dikin."
"Têkiliyên Kurd û Ereban têkiliyên xwişk-biratiyê ne"
Abdullah Ocalan diyar kir ku sedema sereke, ya têkiliyên xurt di navbera her du gelan de têkiliyên xwişk-biratiyê ne.
"Di dilê dîrokê de, di navbera her du gelên Kurd û Ereb de têkilî hene.
Di kûrahiya dîrokê de her tim dostanî û biratiya di navbera gelên Ereb û Kurd de li pêş bû.
Heta ev dostanî, di dema derketina Îslamê û belavbûna wê bi serkêşiya pêxember Mihemed de, hişt ku piranî Kurd bi hêsanî tevlî ola Îslamê bibin.
Sedema sereke, têkiliyên xurt ên di navbera her du gelên Kurd û Ereb de ye.
Ev têkiliyên xwişk-biratî yên di navbera her du gelan de piştî Îslamê bi çend sedsalan, dewam kir û bi pêş ket."
"Yekîtiya di navbera her du gelan de dîrokî û civakî ye"
Rêberê Gelê Kurd anî ziman ku yekîtiya di navbera her du gelan de ji aliyekî ve dîrokî ye û ji aliyekî din ve jî civakî ye û ew girîngiyeke mezin dide vê yekitiyê.
"Ev yekîtiya ku hûn îro bi rê ve dibin ji aliyekî ve dîrokî ye û ji aliyekî din ve jî civakî ye.
Her wiha xwedî bingeha siyasî ye jî, ji lewre ev helwest û yekîtiya li Sûriyê xwedî girîngiyeke mezin e û wateyek mezin didimê.
Ez piştgiriyê didim xwişk- biratî û hevbendiya gelên Kurd û Ereb, ji ber bingeha wê ya dîrokî heye.
Li ser vê bingehê, me xwe bi pêş xist û me perspektîfên li ser bingeha xwişk-biratiyê û neteweya demokratîk danî."
"Piştgiriya we ya ji bo QSD'ê xwedî wateyeke pir mezin e"
Her wiha Rêberê Gelê Kurd Abdullah Ocalan anî ziman ku piştgiriya gelê Ereb ji QSD`ê re xwedî girîngî û wateyek mezin e û divê Kurd û Ereb bi hev re bin.
"Divê giştî wekhev bin, azad bin, bi hev re bijîn, xwe bi xwe bi rê ve bibin.
Divê li ser vê bingehê wekhevî û edalet bê avakirin. Divê Kurd û Ereb bi hev re bin.
Ev jî bi piştgiriya we bi QSD'ê ve girêdayî ye. Piştgiriya we ji QSDˊê re xwedî girîngî û wateyek mezin e."
"Hûn di avakirina Sûriya demokratîk de dikarin rolek dîrokî bilîzin"
Di dawiyê de got ku girîng e Ereb, Kurd, Suryan-Asûrî û her kesê li ser vê xaka pîroz in ji bo vê biratiya dîrokî tev bigerin.
Dostên hêja:
"Hûn dikarin roleke girîng û dîrokî di avakirina Sûriya demokratîk, ewle, yekgirtî û adil de bilîzin.
Girîng e Ereb, Kurd, Suryan-Asûrî û her kesê li ser vê xaka pîroz in ji bo vê biratiya dîrokî tev bigerin.
Ez bi vê hêvî û baweriyê we hembêz dikim.
Careke din we tevan bi rêzdarî silav dikim.
Di jiyana we de tenduristî û serketinê dixwazim"
Silavên dostane û biratî