Di civînê de gavên ku wê di pêvajoya entegrasyonê de bên avêtin û mijara pevguhertina dîlan di rojevê de bûn.
Ji bilî nûnerê taybet ê serokkomariya Sûriyê, berpirsê pêkanîna peymanê tuggeneral Ziyad Ayiş, alîkarê wezîrê parastinê yê Sûriyê Sîpan Hemo, fermandarê tumena firqeya 60’î Ebd Casim, alîkarê fermandar Tuggeneral Mudar Necar, alîkarê duyem Çiya Kobanî û serokê şaxê kontrol û teftîşê yê tumena firqeya 60’î Mehmûd Îbrahîm beşdarî hevdîtinê bûn.
Di civînê de, di serî de pêvajoya entegrasyona leşkerî û sererastkirinên ewlehiyê yên li herêmê, gelek sernavên cuda hatin destgirtin.
Her wiha mijarên wekî jinûveavakirina pergala dadê li Hesekê, vekirina dadgehan û dayîna pêşaniyê ji bo dosyayên girtiyan hatin nirxandin.
Der barê pevguhertina dîlan de ku yek ji xalên sereke yên rojevê bû, hat diyarkirin ku alî amadekariyên xwe berdewam dikin.
