Bi boneya salvegera 10'emîn a damezirandina QSD'ê , li ser navê QSD'ê Fermandariya Giştî ya QSD'ê daxuyaniyek weşand û got: "Bi serbilindî hemû qehreman û lehengên QSD`ê, gelê xwe yê li Bakur û Rojhilatê Sûriyê û li seranserê Sûriyê ku bi hev re bingeha projeya neteweyî ya berfireh ava kirine silav dikin.
Ev proje ji hêviya gel û baweriya wan a bi mafê wan ya jiyaneke azad û birûmet derket holê."
QSD: Rêya azadî, rêya rûmet û yektiyê ye
Di daxuyaniyê de hat destnîşan kirin ku hêzê wan li ser mîrate û fedekariya Yekîneyên Parastina Gel (YPG) û Yekîneyên Parastina Jin (YPJ) di demên herî tarî yên dîroka Sûriyê de hatiye damezirandin.
Daxuyaniyê de bal hat kişandin ku QSD di serdemek tevilhevî zêde bû, hilweşîn û terorîzm li deverên berfireh ên welêt belav bibû hatiye avakirin û ji bo li hember parçebûnê projeya yektiyî û li dijî terorîzm û tundrawiyê bibe keleha rûmetê ava bûye.
QSD'ê da zanîn ku nava şerê navneteweyî de Hêzên Sûriye Demokratîk rêya parastina welat û mirovan hilbijartiye û li ser avê hemû gelên Suriyeyê şer kiriye.
'Rêya QSD ji bo azadî û ewlehiyê ye'
Di nav 10 salan de bi hezaran şervanên QSD'ê ji bo li hember DAIŞ'ê bi mîlyonan sivîl ji qirkirin û koçberiyê biparêzin bûne şehîd.
Fermandariya Giştî şerê li hember DAÎŞ'ê meşandiye bibîrxist û destnîşan kir ku berpirsiyariya parastina Suriyeyê girtiye ser xwe û ji cîhanê re îspat kiriyê ku îradeya gelê azad li dijî tariyê bi ser dikeve.
QSD'ê di daxuyaniya xwe de şehîdên xwe bibîranî û da zanîn ku QSD niha bûye stunek bingehîn ya aramî û ewlehiya Suriyê.