Serokê Parlamentoya Îranê Mihemed Baqir Qalîbaf piştî gefên Serokê Amerîkayê Donald Trump ên bombarankirina Îranê wiha bersiv da:
"Stratejiyên xelet û biryarên bêwijdan dê rewşê ber bi xirabtir ve biguherînin.
Binesaziya enerjiyê û bazar dê biteqin û bibin sedema girekî bêdawî ku hûn ê bi salan tê de asê bimînin. Hûn ê Îranek cûda bibînin."
Ji aliyê xwe ve, hêzên çekdar ên Îranê hişyarî dan ku eger Dewletên Yekbûyî gefên Trump ên bombebarankirina giran a Îranê pêk bîne, li Rojhilata Navîn şerekî "berfirehtir" çêdibe.
ELÎ EBDULAHÎ: EGER AMERÎKAYÊ LI DIJÎ ÎRANA ÊRÎŞAN BIKE DÊ AGIRÊ ŞER BELAV BIBE
Fermandarê Baregeha Xetam Enbiya Elî Ebdulahî jî di daxuyaniyekê hişyarî da Dewletên Yekbûyî yên Amerîkayê û got:
"Em hişyar dikin ku eger Dewletên Yekbûyî dîsa hewl bide ku li dijî Îranê êrîşan bike.
Ew ê bersivek ji berê dijwartir werbigire, agirê şer dê belav bibe."
TAHIR ANDREEB: EM Ê DI NAVBERA AMERÎKA Û ÎRANÊ DE NAVBEYNKARIYÊ BIDOMÎNIN.
Berdevkê Wezareta Derve ya Pakistanê Tahir Andreeb jî anî ziman ku tevî rageşiyê jî, ew ê di navbera Amerîka û Îranê de navbeynkariyê bidomînin.
