Çavkaniyên SOHR diyar kirin ku dorpêça berdewam a ku ji 13'ê Tîrmehê ve ji hêla hêzên hikûmeta veguhêz ve hatî ferzkirin, bûye sedema nebûna pêdiviyên bingehîn.
Li bajarokê Namra Şahba yê Siweydayê ji ber tinebûna ard û sotemeniyê nanpêjxane rawestiyan e.
Ji ber Stasyonên avê bi sedema şer ji xizmetê derketine, ava niştecihan bi rêya tankeran tê dabînkirin.
Li parêzgeha Siweydayê elektrîk û înternet qutbûne, lê heta niha derbarê mijarê de dezgeheke fermî tu agahî nedaye.
Deriyê mirovî yê Busra el-Şam piştî girtina 24 demjimêran ji ber sedemên ewlehiyê, ji nû ve hat vekirin.
SOHR: Karwanek alîkariyê derbasî Siweydayê bû
Çavkaniyên SOHRê îro ragihandin ku karwanek alîkariya mirovî ya ji 40 kamyonên ard û dermanan barkirî derbasî parêzgeha Siweydayê bûn.