Dengê jinan bilin dibe, vê carê li Hesekê daxwaz tê kirin ku maf û jiyana jinên başûrê Sûriyeyê bê parastin.
Ji bo piştgiriya jinên Siweydayê, komxebatek li bajarê Hesekê ji aliyê Platforma Hevbeş a Tevger û Rêxitstinên Jinan a Bakur û Rojhilatê Sûriyeyê, bi dirûşmeya `Bi hev re ji bo piştgiriya jinên li Siweydayê li dijî qirkirinê` hat lidarxistin.
Canda Mihemed Cîgira Hevserokatiya Meclisa Sûriyeya Demokratîk (MSD) ragihand ku divê yekîtiya jinên Sûriyeyê were avakirin.
Ji aliyê xwe ve jî, Stêr Qasim endama Kordînasyona Meclîsa Jinan a Bakur û Rojhilatê Sûriyeyê da xuyakirin ku nayê qebûlkirin di sedsala 21`ê de jin were kuştin û revandin.
Ev komxebat ji aliyê Platforma Hevbeş a Tevger û Rêxistinên Jinan li Bakur û Rojhilatê Sûriyeyê di 30’ê tîrmehê de hatibû destpêkirin û duh bi dawî bû ku tê de kuştin û revandina jinan bi taybetî di şerê li Siweydayê de hatibû şermezarkirin.